拉唔住!婆婆衝燈攔極唔停 車輛急煞等佢過

on.cc 東網

【on.cc東網專訊】阿婆走得快,一定有古怪?近日中環有婆婆闖紅燈,有熱心女途人試圖勸止,惟婆婆仍掂行掂過,嚇得一眾車輛齊齊急煞,惹來網民批評︰「恃老賣老」。


據Facebook群組「小心駕駛(討論別人駕駛態度)」的片段所見,星期四(11日)中午12時16分,在域多利皇后街與德輔道中交界的行人過路處已亮起紅燈,有多部車輛準備駛出路口。


誰料有婆婆突然撐着長傘,一拐一拐地步出馬路。有的士嚇得立即煞掣,惟右線有兩部貨Van先後直駛,情況驚險。有女途人見狀欲伸手拉住婆婆,又勸她返回行人路,但婆婆仍自顧自地橫過馬路。好心的女途人只好扶着她過路。


不少網民怒斥︰「拉都拉唔住」、「真係遲早一鑊,提早投胎」、「阿婆話我都咁老囉,仲使驚你哋」。

---------------

《港呢啲》:大事小事騎呢事,東網嚴謹選題,輕鬆製作!

【更多即時新聞詳情請上東網新聞

你可能還想看