拍劇初哥壓力爆煲 陳曉華抹乾眼淚 學戲吐烏氣

·2 分鐘文章
陳曉華自知演戲經驗少,感激前輩及老師指導。
陳曉華自知演戲經驗少,感激前輩及老師指導。

陳曉華出道後工作冇停過,早前難得不用開工,即喪做運動,望鍛煉好身體。剛學網球不久的她笑言不怕曬黑,更自封「陽光女孩」。

前港姐冠軍陳曉華(Hera)中學時期讀女校,四肢發達卻手腳唔協調,早前趁未開劇,她一次過學踩滾軸溜冰、網球、跆拳道等,活力驚人!她受訪時說:「入行後一直未停過工作,之前休息大半年,發現自己身體機能幾差,所以學唔同運動,想練番好個身體。」

運動強身 唔怕曬燶

日前她相約教練打網球,每次擊球都相當有力,絕對不容小覷,她認叻說:「讀書時期,我除咗游水之外乜都玩,籃球、排球、羽毛球、乒乓波都有,仲跟阿哥去踢波。之後大學要讀書,身邊又冇乜朋友陪做運動,所以身體差咗好多。」打網球容易曬黑,不少女仔都怕怕,但她卻大無畏:「好少女仔唔怕曬,但我唔怕,因為我易黑易白。好多人覺得我好柔弱、斯文,但完全唔係,我係陽光女孩嚟㗎!我都宅,但亦好鍾意做運動。」

Hera現正忙於拍攝新劇《廉政行動2022》,問到之前停工時會否很徬徨,她表示還好,並趁機學戲惡補一下,談到之前被批評講對白差,她說:「老師話我唔能夠發自內心,依家拍劇會將學到嘅應用落去。」又坦言《迷網》播出時壓力很大:「嗰陣拍緊《異搜店》,唔知點改善。第一次拍劇一竅不通,真係好迷惘,之後好多前輩指導我,拍《異搜店》時對自己要求都高咗,想做得好啲。(壓力爆煲?)一開始有呀!拍《異》時好驚,試過休息時會喊,又試過食食吓飯去廁所喊,覺得自己點解做極都做唔好,不過應該冇人發現我去咗喊。」

外表瘦弱的陳曉華重拾運動,希望改善健康。
外表瘦弱的陳曉華重拾運動,希望改善健康。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能