拍拖17年終不敵現實 吳國敬被分手即封鎖自己

歌手吳國敬同圈外女友Elaine拍拖17年，早喺2018年時，佢就已經公開稱呼女友做「老婆」，感情一直恩愛，不過今日（28日）有消息指佢喺3年疫情影響之下入不敷支，為賺錢照顧女友及愛犬，近年到大灣區發展，並主力於中山做音樂，點知就因長期分隔異地而感情生變，早前更慘被分手！一早視女友為結婚對象嘅吳國敬曾多次求婚，女友多年嚟仍未答允，57歲嘅佢依家單身一個，更被發現啟動拒收訊息功能，唔接受外界對佢嘅關心，似乎想自己一個靜吓。