拍MV「露畀大家睇!」 Anson Lo貪錢做大佬玩浮誇

Anson Lo以不同造型上陣,又跳又唱。
Anson Lo以不同造型上陣,又跳又唱。

男團MIRROR人氣成員Anson Lo推出最擅長的跳唱作品,MV玩味感極重,大玩浮誇百變造型,特別化上雀斑妝,又向歌迷露全額「找數」,帶來耳目一新的感覺。

Anson Lo相隔9個月推出跳唱作品《MONEY》,MV中扮演貪錢的銀行家,自我簡介在貪錢背後,全因被心魔糾纏,因為歌曲要帶出金錢不是萬能,他說:「相信每個人都有自己想要捉緊嘅回憶、好珍貴嘅嘢,好似親人、寵物、情侶送畀自己嘅禮物,有好多嘢唔係淨係金錢先可以做到。」

MV中他大玩百變造型,他亦有份構思,多得導演將腦海裏的想法執行出來,令到整個構想變成完整的故事,場景都經認真雕琢。他指每個造型都各有特色,其中銀行大佬Look是新嘗試,笑說:「入行以嚟未試過喺表演上全額露畀大家睇,之前承諾終有一日會咁做,終於揀咗今次嚟試!加上想同上年跳唱歌有啲唔同,所以就加咗雀斑妝同埋髮型都誇張啲。全黑嘅賊仔Look幾得意,再配埋我精心挑選嘅眼鏡,成件事好襯。」

花工夫打造戰衣

當中有個紅色官仔骨骨造型,布料以絲綢為主,感覺浮誇得來,又帶點百老匯歌劇感。至於跳舞場口,他穿上金、黑色Bling Bling感覺極重的舞衣,試造型時他曾擔心過於浮誇,但為了與「Money」直接掛鈎,堅持用上金色,而他個人最喜歡的造型是藍色喱士花西裝:「套西裝好多細節喺裏面,服裝團隊花咗好多心思,逐塊喱士縫上去,用咗好多工夫,裏面有同款同色馬甲,全身有皮帶,係好特別嘅一個造型,呢隻藍色入行以嚟我都未着過。」

Anson Lo唔只化了雀斑妝,更露全額「找數」。
Anson Lo唔只化了雀斑妝,更露全額「找數」。