拖拉兩年 死性不改 唐詩詠洪永城陷冷戰

人美心善身材更好的 唐詩詠 ,被喻為「不能錯過的女友」,可惜執到寶的洪永城(Tony)未有好好珍惜,拍拖兩年仍未定性,多次被爆跟前度藕斷絲連,又跟拍檔蔡思貝、陳凱琳等傳緋聞。詩詠每次都投以信任票,但最近洪永城又被爆背詩詠冧銀行界徐子淇,令詩詠對男友已漸失去信任,令佢煞停去想清楚彼此關係,近日二人陷入冷戰當中。最近詩詠撇甩洪永城飛去韓國,連日都是孤獨一人行街、食飯,看來關係危危乎﹗

延伸閱讀:

昔日日劇女神 2017走晒樣

台慶冇獎 海報冇樣 肥媽怒轟無綫

死性不改

唐詩詠在愛情路上屢受創傷,被前男友余文樂、崔建邦背棄出賣,令佢對愛情缺乏安全感。跟洪永城拍劇互生好感,花了近半年時間觀察期始接受對方追求。以為重新上路,但出名花弗愛撩女的洪永城,跟詩詠拍拖後死性不改,與多個女藝人傳出緋聞之餘,近日再被爆情傾一位貌似徐子淇的銀行理財之花達十年,更有一張洪永城想咀對方臉珠的相!

離港治情傷

一波未平一波又起,一直選擇信任男友的詩詠亦開始動搖,據知佢近兩星期絕跡洪永城的西貢匡湖居寓所,並飛赴韓國療傷。向來唔熱忱社交網的詩詠,連日在IG發表感傷留言,暗指不獲珍惜、慨嘆找對的人很難,心情跌至谷底。圈中好友如黃翠如亦有留言安慰,似乎知曉詩詠和洪永城關係陷入僵局。

寂寞開餐

近來洪永城只為劇集《味想天開》宣傳,較為清閒,但卻未有約會詩詠。周一(16日),詩詠繼續做獨行俠,到銅鑼灣做facial,之後獨自在商場內漫無目的四圍逛,其後落炮台山,在一家素食西餐廳點了意粉,大啖大啖扒入口,一臉愁容,後來接了一通電話,愈講愈激動,突然索鼻皺眉,紙巾抹臉,收線後呆坐良久,未有再進食便埋單走人,及後過海到觀塘,上了某工廈,拿住一袋物品離開上車,半日遊勻港九新界才回家,全程獨自一人,更覺孤單。

 

撞破車廂冷戰

其實早在一個月前,詩詠開車到九龍城泊埋路邊,獨自落車到藥房買感冒藥及雙飛人藥水,洪永城一直在車上,詩詠上番車時黑晒口臉,平時嬉皮笑臉的洪永城唧都唔笑,皺住眉講了幾句,詩詠繼續冇搭嘴但面口更黑,記者上前影相,洪永城勁老尷笑住口話:「我哋做乜?哦﹗冇呀,(指一指詩詠)買啲感冒藥。」詩詠一直黑住面,未有理會洪永城,戴好安全帶就開車離開。拍拖兩年來,二人每次被影到拍拖都是離行離列,欠缺熱戀時的甜蜜。

全文完

延伸閱讀:

順產完都咁弗!Baby繑實黃曉明出院