《拳王》收視不敵《青春本我》 張振朗減磅出戰留憾

張振朗拍《拳王》落足心機,可惜收視不似預期!
張振朗拍《拳王》落足心機,可惜收視不似預期!

《青春本我》12月5日電視首播錄得16.8點收視(觀眾人數約110萬),成績比無綫台慶劇《拳王》上周平均收視16.1點(觀眾人數約105萬)更好,《拳王》由一班好戲之人參演,張振朗、黎耀祥及譚俊彥為配合拳手角色特登落力操肌,劇情亦相當不俗,可惜仍收視低開,令不少人大跌眼鏡!對於主演劇集不敵《青》劇,張振朗回應:「其實收視真係唔到我哋控制,演員只可以盡自己嘅努力去做好劇本賦予畀我哋嘅嘢,就算今次收視最終結果係點,我都會依舊盡力演好下一個角色。」

另外,《拳王》前晚播出的一集,張振朗需減磅迎戰外號「鬼影」的拳手,對於該個重要場口,他坦言拍得辛苦又遺憾:「本身我想甩水甩到勁乾,因為想帶畀觀眾真實感,但因為我開劇前已經甩過一次水,上擂台前又甩過一次,教練話我唔可以喺兩個月咁短時間內甩3次水,所以我就跟佢建議冇咁做。同埋因為我拍打擂台戲係連續咁打,呢場戲應該係我連續打到第5、6日左右,所以我無論戲內戲外都好攰,應該喺嗰段時間開始,我就完全唔講嘢喇!」