持續低迷 7月日本遊客只有3,800人
疫情影響之下全球旅遊業幾乎陷入癱瘓,國際旅遊大國日本最新公佈7月全國旅客數目只有3,800人,已經較5月嘅1,700人及6月嘅2,600人上升,但仍然係少得恐怖。
根據日本觀光廳數字,旅客比去年同期大跌99.9%,情況令人十分擔心。由於欠缺外國遊客,日本政府就只能全力鼓勵本地遊,推出振興日本本地遊嘅「Go To Travel」計劃,即政府會補貼日本人前往其他日本城市旅遊嘅住宿及餐飲費用,計劃推出一個月來,共有約200萬人次使用,可以話略有成效。不過計劃推出之後其實都有唔少人批評政府不理疫情而強推市民去本地遊,或者會造成新一波全國大爆發疫情。而的確早前唯一零確診嘅岩手縣,就係因為有居民參與Go To Travel計劃去大阪旅遊回家後證實確診,打破被稱為「岩手奇蹟」嘅零確診記錄。
相關文章: