雅虎香港新聞 挪威旅遊｜親民海象成挪威景點 竟遭政府殺害：對人類有危險
人類身為萬物之靈，係咪真係有權可以操控其他動物生死呢？話說近日發生一單新聞，挪威政府強行將一隻野生海象Freya進行安樂死，一石掀起千重浪，引起各界人士不滿。
話說Freya係一隻經常穿梭北歐多國嘅野生海象，曾到訪過英國、荷蘭、丹麥、瑞典等地方，估唔到今次於挪威奧斯陸南部海灣逼留一個月時，竟遭當地政府強行安樂死。原來Freya一反海象常態，佢非常唔怕人經常跳上岸邊曬太陽，更試過爬上人類船隻上曬，不過由於佢無任何攻擊性，所以反而吸引好多人嚟睇佢同影相，成為一大景點。不過挪威政府多次呼籲民眾切勿靠近，仲話有人向海象擲物，會導致佢發狂及產生攻擊性；但實際上Freya就算被擲仍一貫冷靜，繼續曬太陽，非常乖巧，估唔到Freya完全無做錯事但最後仍被政府捕捉並處於極刑。
事後當然引起各界批評，認為Freya係被政府強行殺死，佢非常友善又無攻擊過人，只係因為懷疑佢對人有攻擊性就殺害佢，其實可以立例禁止人類靠近或者擲物就可以解決問題。挪威漁業局此舉就得到總理支持，佢話挪威作為海洋國家有時的確為咗國民安全而要做出「唔受歡迎嘅決定」，大家又點睇呢？
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
相關文章：
