掃墓後劇痛 OL眼腫求醫 眼底夾出四隻蟲蟲

19+

 

聽日就係清明,去拜山唔止要小心山火,

仲要小心雙眼!

 

台灣高雄一位OL上個周末去掃墓,清理雜草時感到眼睛刺痛,

以為係異物入眼,於是沖沖水就算;

不過到佢拜完山,隻眼已經又紅又腫,於是立即求醫,

檢查後視力由1.0跌到0.1。

醫生喺佢左眼眼皮空隙入面,搵到真正元兇︰

係四隻俗稱「汗蜂」嘅小昆蟲。

短短幾個鐘,呢幾隻蟲蟲就足以令患者角膜發炎,

醫生話好彩病人冇因為痕癢而捽眼,否則整碎隻蟲,

可能會引致更嚴重後果,甚至失明。

經過治療,病人視力已經回復正常8成,大步檻過。

 

學者話,「汗蜂」多數喺喺海拔一千公尺以下嘅地上或枯枝旁築巢,

行山郊遊或者掃墓都可能遇到。

想避免同類事情,可以考慮帶個護目鏡;

一旦感到有異物入眼,就要搵乾淨水沖洗,同埋盡快求醫。

 

似乎帶泳鏡係最work嘅,既可以擋蟲,又可以避免香燭元寶煙燻。

祖先都讚你醒目呀!

原文傳送門

 

你可能還想看