推阿妹擋駕 Aka唔怕被催婚

東方日報
·1 分鐘文章
Aka自嘲「單身狗」,有狗仔陪過節一樣開心。
Aka自嘲「單身狗」,有狗仔陪過節一樣開心。

女子組合Super Girls隊長Aka前晚出席有關禮讓共融的直播節目時,分享朋友的尷尬經歷:「有朋友見到位女士肚凸凸以為孕婦,點知唔係!」她自言就算身體不適,也不敢坐港鐵內的關愛座,除怕被公審外,又擔心阻礙有需要人士。

問到農曆新年及情人節是否佳人有約?她笑言繼續單身過節,幸好有愛犬相伴:「單身狗同狗仔過,哈哈!我要求唔多,朋友會自製蛋糕畀我,同事又同我慶祝咗,好窩心!」而其生日願望是有好姻緣及行事業運,以及疫情早日過去。至於可擔心拜年時被親戚催婚?她說:「又唔怕,因為親戚喺澳門,今年唔會返去拜年,加上妹妹結咗婚,又Plan緊生小朋友,幫我擋晒!希望佢生完再生,幫我擋多幾下!」