換命真相︳出道0演技 靠喊殺上女一 鄧佩儀2次被力谷都出事

·3 分鐘文章
換命真相︳出道0演技 靠喊殺上女一 鄧佩儀2次被力谷都出事
換命真相︳出道0演技 靠喊殺上女一 鄧佩儀2次被力谷都出事
換命真相︳出道0演技 靠喊殺上女一 鄧佩儀2次被力谷都出事
換命真相︳出道0演技 靠喊殺上女一 鄧佩儀2次被力谷都出事

今日有傳憑《換命真相》上位做女一嘅鄧佩儀(Gloria),因為演技未夠班搞到全組人遲收工,加上被工作人員嫌難相處,拍完《換》至今接近一年再冇拍劇,近乎雪藏。Gloria亦承認會返加拿大放個悠長假期。

出道作《點金勝手》嘅「面癱」演技,令鄧佩儀備受批評跌落谷底;今次歷史重演,Gloria又會唔會再次爬返起身?

鄧佩儀喺加拿大溫哥華讀書,曾經參與當地中文電台訓練班,因此培養出對幕前演出嘅興趣,於是參加溫哥華華裔小姐,成功奪冠後於2013年來港參加「國際中華小姐競選」再下一城,成為第6位來自溫哥華嘅華姐冠軍。

而家睇返《點金勝手》,鄧佩儀嘅演出真係令人好尷尬
而家睇返《點金勝手》,鄧佩儀嘅演出真係令人好尷尬

比起其他新人要捱一大輪先有劇組入,鄧佩儀算係好彩,選完華姐半年就同黃宗澤拍《點金勝手》,做Bosco個妹,起碼有名有姓有戲份。但係套劇出街後Gloria被嚴重劣評,網友鬧佢淨係識擘大對眼。鄧佩儀憶述拍《點》劇時,緊張都成個人硬晒,得個腦郁!

畢竟真係太多負評,TVB之後都只係安排鄧佩儀拍下飲食節目,拍劇都係做下無對白閒角,算係第一次入雪櫃。Gloria喺訪問度講起,理解點解會冇晒機會,好在性格唔服輸,於是靠觀察留意拍攝細節,又問導演俾意見,2年後拍《幕後玩家》再度同黃宗澤同劇,終於唔係做路人甲,並且多得劇中演暗戀對象嘅張繼聰幫手,鄧佩儀直情覺得成個人諗通咗。

果然後來嘅《機場特警》同《踩過界2》鄧佩儀嘅演出都有突破表現。《機》演遇上突發槍戰但呆若木雞嘅學警,事後仲因為創傷後遺症而爆喊,被觀眾讚有進步。早前嘅《陀槍師姐2021》都有場喊戲演得相當投入,因此被封為「喊戲專家」。

換命真相︳出道0演技 靠喊殺上女一 鄧佩儀2次被力谷都出事
換命真相︳出道0演技 靠喊殺上女一 鄧佩儀2次被力谷都出事
換命真相︳出道0演技 靠喊殺上女一 鄧佩儀2次被力谷都出事
換命真相︳出道0演技 靠喊殺上女一 鄧佩儀2次被力谷都出事

據知拍《換命真相》同鄧佩儀有唔少同場戲份嘅張穎康,開工十幾日就忍唔住鬧爆對方表現仲係新人咁;而戲中演男友嘅譚俊彥,就因為要帶鄧佩儀入戲而覺得辛苦。不過2個人今日都幫手講好話澄清,究竟邊個講法先係真?

換命真相︳出道0演技 靠喊殺上女一 鄧佩儀2次被力谷都出事
換命真相︳出道0演技 靠喊殺上女一 鄧佩儀2次被力谷都出事

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能