【搵兼職攻略】一文睇齊香港搵Part-time大法

疫情之下不幸失業、失去收入的話點算好？唔使擔心，香港作為一個發達的城市，其實兼職種類非常多，以下Yahoo著數專員就為你介紹香港最熱門part time搵工平台，幫你增加收入搵到筍part time！

-----------------------------

外賣步兵

因著疫情，外賣平台例如Deliveroo、Foodpanda需求大大提升，所以步行外賣員亦成為近年新興行業，佢嘅好處就係外賣平台自由報更，返工時間可以自己控制，自由同彈性相對比較大，缺點係體力勞動比較大、要同其他外賣員「搶更」，單數多的話，時薪係大概$100左右。

Uber司機

另一個最熱門嘅part time就一定要數Uber司機，對車主嚟講真係一份唔錯嘅職業，任何香港永久性居民只要有正式駕駛執照，就可以登記成為Uber司機，上傳所需文件就可以即時加入，好處係收入比較高，不過雖然揸Uber看起來門檻相對低，但也需要有紀律咁工作，先有可能達到比較理想的收入，另外就係車輛嘅油費、折舊、維護成本都要車主自行負擔。

炒散王WorkKing

要講到part time，一定要睇香港最大炒散part time平台「炒散王」，佢嘅最大特色係用App來發佈工作同搵工，相對比較方便，目前已經數十萬下載人次，求職者只需要係app登記就可以，最大優勢係擁有好多即日出糧嘅工種，例如餐飲業，非常適合需要解燃眉之急嘅朋友們！

HK Good Jobs

以下介紹另一個比較常用的Part Time搵工網站HK Good Jobs，佢嘅特色係工種多，除咗最常見嘅服務業part time，仲有唔少政府外判的臨時職位，工作量同上班時間相對穩定，而職位通常入職門檻比較低，一見就即刻可以返工，如果失業又想要一份比較穩定嘅part time就要用HK Good Jobs啦！

JobsDB

作為全港第一大的搵工網，JobsDB除了全職之外，仲有唔少Part Time選擇，最大好處係求職者係JobsDB建立咗CV之後，就可以用相同CV申請平台上嘅其他工，一路搵part time一路搵全職都得！最近網站仲做咗唔少疫市搵工專題，方便唔同人士係疫情之下尋找適合自己嘅工作。不過JobsDB嘅工作相對比較多專業，變相門檻較高，比較急著要揾快錢嘅朋友或者就要試下另外一啲搵工平台啦。

香港兼職網

講到搵part time亦不可不提香港兼職網 Parttime.hk ，佢專門發布一些兼職、臨時同埋合約工作，而且更新速度快，經常有新的職位，種類又多，想搵Part Time嘅朋友唔好錯過喇。

HK Slash

HK Slash係另一個香港熱門嘅Part Time搵工網，佢嘅特色係工種範圍廣闊，有Freelance、兼職、臨時工、散工，有啲接近沒有門檻，各行各業例如翻譯、興趣班導師、剪片員等等各式各樣都有，最啱Slasher或者freelance搵外快！