摸PetPet:曾患肺炎 2度險死 愛犬冧掂父母 Aka呻冇晒地位

·2 分鐘文章
Aka讚愛犬聰明可愛,是全家的金叵羅。
Aka讚愛犬聰明可愛,是全家的金叵羅。

組合Super Girls隊長Aka(趙慧珊)育有1歲玩具貴婦狗Froyo,細細粒加上灰黑色毛,十足毛公仔般可愛!首次養狗的Aka難忘愛犬出世不久便徘徊生死邊緣,更2度險死:「佢有肺炎,2、3個月已經入醫院,醫生話佢應該過唔到嗰晚,我好擔心,話幾多錢都要救番佢!最後佢留喺醫院,好大命苟延殘喘。」之後醫生指Froyo不肯進食,她便帶了愛犬最愛的朱古力味營養膏:「佢一食之後就咩都肯食,跟住就好番,真係好彩!」

Froyo現時非常健康,趙母更當正牠是女兒,Aka笑指愛犬嗲功一流:「我媽咪咳、打乞嗤或隻腳坐痹咗,Froyo即刻走去舔佢。」但愛犬從不會這樣待她,全因她飾演醜人角色:「我會惡,佢就會驚,屋企佢淨係聽我一個講,佢有啲公主病囉,被媽咪寵壞晒。」有晚她不開心流淚,以為愛犬會安慰她,怎料被漠視,並指父母當愛犬是金叵羅:「如果我同佢唔小心撞埋一齊,爹哋媽咪第一時間衝去Froyo度,問佢有冇事,但冇人理我,我係全屋最低地位!」

忘記被狗咬陰影

溫柔的Froyo百分百是「公主」,更教Aka做淑女,她表示:「佢食嘢好斯文,跌咗啲食物喺碗隔籬會食番,你唔小心踩到佢,佢會細聲溫柔咁叫一聲。」續讚愛犬聰明:「我未起身佢就喺房門等我,我好細聲撳電話,佢一聽到就會抓門,話畀你聽佢知你醒咗。」之前Aka曾被狗咬傷,她坦言一開始都驚被Froyo舔:「但依家冇乜嘢,佢畀到我太多歡樂,忘記晒陰影!」

Froyo識得同主人「give me ten」。
Froyo識得同主人「give me ten」。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能