撇甩鄭衍峰即有新歡?馮盈盈密會西裝男歎意大利菜
前港姐冠軍馮盈盈(FYY)最近成為新聞女王,認真多是非,前醫生男友鍾文浩今個月底結婚娶女友,而跟她傳緋聞的鄭衍峰因不滿不獲「正名」而與她吵大鑊,最終FYY棄兵,連朋友都做不成。
不過年僅26歲,有樣有身材又轉數快的FYY怎會寂寞,有消息指她於上星期4密會留鬚西裝男,貌似一位事業型男士,2人於一間中環高級意大利餐廳食Lunch,而該間餐廳是城中有名的食府,擁有米芝蓮三星,午餐人均消費要$1,500,2人挑選角落位置坐下,貪地方夠隱蔽,有指大部分時間都是FYY說話,西裝男以笑容回應,FYY更不時使出電眼冧對方,兩人傾足2小時,為免被人影到,兩人前後腳離開,FYY果然醒目。
佢回覆東網否認係新歡,表示:「只係普通朋友,我向佢請教投資意見,順便食飯啫,係討論完公事,先閒談咗幾句。只是爆料者無偷拍到前面,誤導了大家,而且同朋友食lunch係正常社交,限聚令只准兩人一枱,依家出去食飯都一定係撐枱腳啦,大家無需大驚小怪,見面食個飯,都要講到係新歡?其實有冇考慮過我朋友感受?我隨時拉低佢可發展對象嘅平均質素,影響到我朋友個market,佢又不是圈內人士,希望大家講我好喇,請不要再打擾到佢。」