撇甩2女二人世界!城城拖實方媛落老銅Shopping
天王郭富城(城城)自從娶咗太太方媛(Moka)後,搖身一變由天王變成好爸爸好老公,繼之前佢揸辣跑落銅鑼灣買尿片後,城城又再度與方媛出巡落老銅貼地行商場,有網友野生捕獲身穿黑色T恤配緊身褲兼戴帽嘅城城,拖實穿上淺色牛仔褲嘅方媛恩愛行街,兩人更穿上黑白情侶波鞋,並肩而行黐到實一實,真係連蚊都飛唔入!
照片所見,未見2個囡囡同行,相信今次係撇甩囡囡一齊2人世界去拍拖,城城就孭住1個黑色大背嚢,相信將所有戰利品放入內,而方嫂只係孭個小包包,唔使老婆辛苦,認真體貼!