雅虎香港新聞 【撐警集會】譚詠麟：再咁落去冇人管治到香港 鍾鎮濤：後生仔九唔搭八
建制派立法會議員何君堯發起「撐警隊、護法治、保安寧 民間聲援集會」，今日在金鐘添馬公園舉行，多名政界及演藝界人士上台發言，參加者「阿Sir、Madam我撐您」的標語，又高呼「阿Sir、Madam我愛你」。大會聲稱有16.5萬人參加，警方則指高峰期有5.3萬人。
多名上台發言者稱警隊忍辱負重，帶領集會人士高叫口號支持警隊。警務處前副處長任達榮批評，要求政府撤回暴動定性的人「痴線」，又說要求設立獨立調查委員會的人「傻㗎」。歌星譚詠麟、鍾鎮濤也有上台表示支持香港警察。
出席集會的包括：基本法委員會副主任兼港區全國人大代表譚惠珠、警務處前處長鄧竟成、警務處前副處長任達榮、商務及經濟發展局前局長蘇錦樑、全國政協常委譚錦球、全國政協委員兼保公義撐修例大聯盟召集人黃英豪、港區全國人大代表兼工聯會會長吳秋北、港區全國人大代表王庭聰、全國政協委員劉炳章、香港大學深圳醫院院長盧寵茂、民建聯監委會主席盧文端、自由黨深水埗區議員李梓敬、保安局前局長李少光的妻子等。警察隊員佐級協會前主席陳祖光有錄短片支持活動，但沒有出席。
多名建制派立法會議員，包括民建聯蔣麗芸、陳克勤、葛珮帆、何俊賢；經民聯梁美芬；工聯會麥美娟；體育、演藝、文化及出版界馬逢國等有到場。
出席的演藝界人士包括高志森、譚詠麟、鍾鎮濤、梁家輝、陳欣健，陳百祥錄短片支持。
何君堯今早在港台節目《給香港的信》再次支持《逃犯條例》修訂。他說，林鄭月娥暫緩修例是明智決定（was sensible given the circumstances），但就批評她為此道歉：「她的道歉令警隊感到無力，士氣跌到谷底。（Her apology, however, left the Hong Kong Police Department impotent and morale at an all-time low.）」但在撐警集會時，他沒有再批評林鄭，反而表示支持她：「我哋香港難得有個『打得』、『砌得』嘅特首，我一定要去撐佢！」
譚惠珠上台時說，香港是全世界最安全的城市之一，香港警察的聲譽世界知名：「遊行時，警方一路開路，維持秩序，令他們（指遊行人士）不會被其他人干擾，又看住商戶不會被人搶劫，在整個過程入面要讓所有人完成遊行、抗議。世界沒有一個地方，像香港可以這麼自由、文明地發表意見⋯⋯我們要同全世界講，我們撐香港的警察，因為他們是最優秀的隊伍，是我們市民利益最大的保障！」
譚惠珠又稱警員忍辱負重：「（佢哋）寧願俾人圍、寧願俾人打，原因係乜？佢唔可以俾香港流血！我哋要對佢哋呢種忍辱負重、堅定維持香港同國家安全嘅信心同決心，三呼萬歲！」然後她帶領集會人士高呼三次：萬歲。
鄧竟成上台發言時，稱香港警察是亞洲最好的，又帶領集會人士感謝警務人員：「過去幾個星期，警察在極度困難、艱難、被挑釁、被侮辱的環境下工作，但他們仍然很克制，用他們的專業去處理好多問題，我們一起歡呼，多謝阿Sir，阿Madam！」
鄧竟成接受訪問時指，近期針對警察的事件令人痛心：「警察總部受圍堵、攻擊、破壞，以致上班嘅同事被人追打，香港個法治去咗邊度呢？（令人）非常痛心⋯⋯過去一段時間，香港社會出現大大小小嘅事情，每每就係令警察成為磨心。」
警務處前副處長任達榮（影星任達華兄長）極力反對設立獨立調查委員會：「過去行之有效的機制，喺佔中、佔旺嘅時候已經發揮作用，仲要搞我哋啲警察，傻㗎！一定唔可以贊成！反對！反對！」他批評要求政府撤回暴動定性的人「痴線」：「香港已經有旺角暴動嘅案例，要我哋撤回呢個暴動說法，痴線㗎簡直！侮辱我哋警務處長專業嘅判斷！」
導演高志森則批評有些人「有事搵警察、冇事就鬧警察」，指有人在和平遊行中故意滋事：「最近嘅和平遊行，係有人故意滋事，係好可惜嘅一件事，佢哋破壞咗社會嘅互信，俾滋事份子滲入、搞事、衝擊、破壞社會互信，令一個和平遊行蒙污。面對暴力行為，警方有責任執行任務，維護社會的秩序和安寧⋯⋯支持警隊繼續努力、守護香港，維持治安穩定。天地有正氣！支持警隊有效執法、除暴安良！」
譚詠麟則說，再這樣下去，香港「冇得救」：「執法人員咁樣俾人攻擊，如果大家去過世界各地，睇睇其他國家嘅暴動，係真真正正示威嗰啲俾人扑頭⋯⋯全世界都未見過。只能夠講一樣嘢，希望我哋家和萬事興，好冇？我哋繼續支持警察！再咁搞落去呢，冇人可以管治到香港。」
鍾鎮濤與譚詠麟一同上台發言，他說，自己不是講政治，而是講正義：「正義係每一個人都有嘅，呢啲係基本常識，而家啲老師應該教下啲學生。今日我上嚟嘅其中一個原因，就係俾啲仔女睇下，知道乜嘢係啱，乜嘢係唔啱。因為我睇見好多後生仔，好似真係唔識嘢㗎喎，佢哋講嘅嘢粗俗啲講，真係九唔搭八，我聽唔明㗎！點解會咁嘅呢？孝順父母係應該㗎嘛，奉公守法係應該㗎嘛，所以我嚟呢度支持警察，支持警隊！」
觀看原文： 按此連結
