一撻即着 笑到失控 王敏奕任糟質 搏命無底線

·2 分鐘文章
演出機會愈來愈多的王敏奕,要以實力證明並非靠關係上位。
演出機會愈來愈多的王敏奕,要以實力證明並非靠關係上位。

王敏奕近排經常演Madam角色,而她亦毫不錫身,動作戲親身上陣,事前更狂操到手瓜起𦟌,不過難到她的卻是「焗蟹(忍笑)」,被羅天宇爆她笑點低。

藝人王敏奕於新劇《把關者們》飾演海關Madam,平時對下屬、自己都甚嚴格,而戲外的她做事亦一絲不苟,雖然貴為無綫副總經理曾志偉的新抱,但打戲、浸水戲統統親身上陣,為了劇中的動作戲份,敏奕拍前還找教練「特訓」,極之認真。

日前,無綫發放了一條她被歹徒捉了之後又打又浸水的片段,片中她事前與武指試位,就算一塊大木板打過去也照擋,面不改容,而敏奕的搏擊動作亦勁度十足,不知還以為是「替身」上陣;之後她再被浸落水桶,認真搵命博。她接受訪問時謂:「我向來都有做開運動,為咗應付呢啲戲份,都做咗好多重量訓練,練大隻啲!」

羅天宇公開「罪證」

而前日,劇中飾演她下屬的羅天宇放了一條片上社交平台,他留言:「作為專業嘅演員喺埋位前做好準備工作,不過我可以好肯定咁話畀大家知,喺演藝道路上敏奕最大嘅難題一定係『焗蟹』。」片中2人正拍攝車廂戲,敏奕講對白時不時忍不到笑,NG多次。天宇昨受訪時笑謂:「場戲本來喺高速公路拍,講我哋追蹤犯人,但架車就揸咗入隧道,所以我哋喺對白上有啲改動,於是就攞部電話練吓先,不過敏奕嘅笑點真係奇低,同佢合作咗3套劇,佢一撻着咗個掣就熄唔番。」

王敏奕苦練身手應付動作場面,毫無懼色。
王敏奕苦練身手應付動作場面,毫無懼色。
別看劇中王敏奕唧都唔笑,原來鏡頭外卻唔唧都笑。
別看劇中王敏奕唧都唔笑,原來鏡頭外卻唔唧都笑。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能