攔孔德賢快攻 黃子恆受傷腳腫

·1 分鐘文章
黃子恆勇戰受傷,在場外坐低抖抖。
黃子恆勇戰受傷,在場外坐低抖抖。

藝人黃子恆、孔德賢日前參加無綫《明星運動會》足球比賽,當日戰況激烈,踢到嘭嘭聲!不過,足球與拳擊、籃球始終一樣,都屬於埋身運動,有碰撞受傷在所難免。比賽當日,子恆就被孔德賢踢傷腳部上五吋下五吋位置,他接受無綫訪問時笑說:「臨完場前我攔截佢哋快攻,應該腳疊腳,我就腫咗啦!不過我相信孔德賢隻腳都碎咗o架喇,OK嘅,都係皮外傷啫!」而他昨日受訪時坦言已消腫:「踢波碰撞一定會有,好在醫護幫我敷冰消腫。」孔德賢亦說:「大家都搏到盡,望住個波嚟追,所以特別多碰撞,大家都冇事,踢得好開心。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能