攞車發現車窗失蹤了 女司機報警 警員一句提醒全場O咀
天氣太熱，希望大家個腦唔好熱到hang機。
台北有位女司機，去停車場攞車發現愛車4塊車窗唔見晒！
心諗俾人扑窗咁大鑊，梗係報警啦。
警察先生嚟到，見到冇破壞痕跡，又唔見地下有玻璃碎，
都相當R頭。
其中一位警員就叫車主撻著架車，㩒吓電窗個掣，睇吓有冇事……
呢個時候！
4塊車窗慢慢升上來！
原來阿女司機泊低架車之後，較低晒4塊車窗費事車廂焗過蒸籠。
但係攞車嗰陣完全唔醒起……
唯有講句「打開晒車窗都冇人偷咗架車或者拎走財物，都算係不幸中之大幸啦哈哈哈」打圓場啦。