收起擦膠大行動

「你同我全部擦晒佢！呢啲字點見得人！」帶着二女兒接家姐放學，在小學的圓桌前，坐着一對正在檢查功課的母子。

小男孩應是高小了，當然不輕易就範。媽媽像一座快要爆發的火山，漲紅了臉蹺起雙手站在他身後，大聲喝罵：「你好快啲同我擦呀！睇返前面，同我寫返呢種字先算合格，如果唔係，我拖你入去揾老師同你擦！」

我瞥見桌上的英文功課，字不少，可以想像，要把滿滿一頁的「心血」擦掉，對孩子來說是多麼痛苦的事。二女兒悄悄在我耳邊說：「佢真係好慘……其實點解寫字要寫得咁靚喎……老師睇得到咪得囉。」

作為一個大人，替孩子檢查功課時，純講字體，都有一百個出動擦膠的理由。字醜，自古以來都是罪無可恕之事。於是，擦字成為了每個父母的例行公事。

記得大女兒唸幼稚園，剛開始學寫字時，有天我兩個家姐到訪，見小妮子埋頭在寫，字體全像無骨怪物，忍不住拿起電話，向正在公司趕稿的我連珠炮發，「你點做人阿媽！究竟有無睇過啲女的功課，啲字寫到咁你都唔擦！」

我唔擦，是因為我深信對孩子來說，有比字體端正與否更重要的事情要學習。如果因為堅持要字體端正，賠上了孩子對寫作又或中文字的興趣，那太不值了。

「唔梗要，下個字寫好啲就得啦。」這是我對醜字的態度。孩子漸大，我有時甚至會把擦膠收起來，不讓她們擦功課，「下筆前先諗清楚，就不必用擦膠了。」漸漸地你會發現，原來沒擦膠在旁，孩子做功課會更快更準，書桌上的那場硬仗，也隨著擦膠離場，稍為緩和了一些。