【放走2千幾萬】釣到8呎半藍鰭吞拿 漁夫點解放生

·1 分鐘文章

   

釣魚最高境界係咩?唔係釣到魚,係釣到再放生!   David Edwards係其中一個喺大西洋東北面「搵食」嘅漁夫,佢最近嘅戰績係喺愛爾蘭南部海岸,經過2個半鐘頭搏鬥之後,釣到一條8呎半長、重600磅嘅藍鰭吞拿。   香港人咁鍾意食日本嘢,一定知靚吞拿魚咩價位,更何況……咁大條!冇錯,根據今年元旦「日本一」嘅成交價,呢條魚估計值250萬英鎊,即係超過2400萬港紙。   嘩,呢次仲唔fat fat?中六合彩都係咁上下咋!

但係David同佢嘅船員,影完相就放生條魚。因為佢地屬於一個保育組織,釣魚唔係為搵錢,而係要統計嗰個海域嘅魚類生態,所以釣到做完紀錄就放。David就話,今次有收穫嘅位置,離岸唔夠5公里,係今年首次喺呢個位置得手,而且條魚大得交關,好少見。   人地咁有心,搞到我連嗌吞拿魚壽司都好似好有罪惡感……咁……食三文魚同帶子囉。原文傳送門

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能