【放閃】張頴康忙湊女不忘拍拖:仍感覺同當初一樣愛對方

育有3孩的藝人張頴康和麥雅緻,近日為慶祝大女小豆8歲生日忙過不停。生日會後,張頴康帶老婆去拍拖,慶祝成為父母8年,身為「愛妻號」嘅佢,在社交網放閃冧老婆:「只要我哋深愛對方,就算係乜嘢身份,我諗我哋大家都唔會變!」

 

張頴康表示,「做父母,唔同做情侶、夫妻!第一日成為咗父母之後,就永遠唔可以返轉頭,因為父母要負嘅責任,係一世嘅!呢8年,我可以好好咁享受爸爸呢一個身份,係因為,我有一個好好嘅太太幫我照顧好我哋嘅家庭!」

 

張頴康麥雅緻為大女小豆大搞8歲生日。(圖片:FB@張頴康 麥雅緻)
張頴康麥雅緻為大女小豆大搞8歲生日。(圖片:FB@張頴康 麥雅緻)

 

為了紀念榮升父母8年,張頴康同老婆撇低3名子女,以情侶、夫妻的身份出去食餐簡單飯拍拖慶祝,雖然短短幾個鐘,兩公婆都好開心。張頴康就話:「就算得幾個鐘嘅兩口子拍拖時間,我仍然感覺到我哋嘅初心無變,同當初一樣好愛大家、好易滿足、好易開心!無論我哋嘅身份係情侶、夫妻,定係父母,只要我哋深愛對方,就算係乜嘢身份,我諗我哋大家都唔會變!老婆,多謝你俾到個咁穩定嘅多重身份俾我!我愛你❤」真係隔住個mon都感受到他們之間的甜蜜。

 

張頴康麥雅緻已經結婚12年,兩人不時在社交平台晒恩愛。(圖片:FB@張頴康 麥雅緻)
張頴康麥雅緻已經結婚12年,兩人不時在社交平台晒恩愛。(圖片:FB@張頴康 麥雅緻)

 

食完飯,兩公婆都講咗句:「不如返去啦,而家返去仲同到啲小朋友say Good Night」。跟住我哋埋單揸車返屋企,立即由情侶、夫妻,變返做父母!

 

 

《親子頭條》多元化介面方便家長接收最新育兒資訊
 讚好《親子頭條》Facebook 專頁

 追蹤《親子頭條》Instagram

 登記成為《親子頭條》會員

 

 

 

 

想追蹤更多最新最好的親子資訊?請瀏覽我們 親子頭條專頁

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能