政客鹹網落廣告 因為目標觀眾喺晒度

19+

以前收費電視台叫客戶落廣告嘅廣告(你地明架可?),

句口號係「目標觀眾喺晒度」。

 

即係話,我地唔係大台,但係你落廣告,

一定hit到你想要嘅客。

 

最緊要中,唔係要「擸晒」,亦都係呢個年代做廣告做宣傳嘅重點。

 

丹麥近期舉行選舉,當個個候選人都係用「請支持」、「需要你的一票」拉票,

國會議員Joachim B. Olsen就出奇招。

 

Joachim從政之前係國家田徑隊推鉛球運動員,仲贏過奧運銀牌。

可能因為久經訓練,深明點樣發力先可以一擊即中,

於是佢將自己嘅競選廣告,投放喺色情影片網站Pornhub!

落嘅位置夠刁鑽,連口號都切合返個環境。

佢叫大家「自high」完之後,記得去投佢一票。

 

Joachim話,半個互聯網都係成人內容,

要接觸選民就一定要喺佢地會出現嘅地方,

而且冇話題性就冇人講,佢聲言可以話為國家去到好盡添。

呢個策略都要有外表支持嘅,假如太倒胃口,

放上成人網威力只會加倍……趕客嘅力度呀我話!

Joachim咁健碩,男男女女見到都like啦。

 

不過咁,有報導話由運動場轉戰政界嘅Joachim,

主流意見唔覺得佢會爭取到工人階層嘅票,

佢所屬政黨民望亦都麻麻。難怪要出絕招盡地一煲啦。

綜合報導

 

原文傳送門

你可能還想看