政府派口罩 登記網頁原始碼驚見開發者大名

19+

政府喺抗疫百日記者會上,宣布派發可重用口罩, 每位市民一人一個。 既然係「人頭mask」,即係要登記先知邊個有拎啦。

既然要登記,就梗係要有網站,亦都要提交登記資料啦。

有關網站尋日開始接受登記, facebook專頁「前線科技人員」查看網頁原始碼, 發現其中一個文件夾嘅名稱,出現用戶名字”lawrenceleung“。 見到個名又點?

有網友就擔心,網頁設計有問題,可能對登記工作有影響。

當然更多人質疑網頁安全水平,畢竟要提交個人資料, 被人hack到?出事架嘛!

亦有眼利網友見到lawrenceleung呢個名,立即上政府電話簿睇睇, 搵到幾位同名人士,其中一位由職位介紹睇到,係警務署嘅資訊科技人員……

由尋日計劃公佈開始,已經有唔少whatsapp轉發留言, 擔心呢個派口罩措施會外洩個人資料。

似乎政府需要交代一下,未派口罩先派定心丸嘞。

【相關搜尋】銅芯抗疫口罩3大致命問題

原post傳送門

你可能還想看