政Whats噏:蔣麗芸再蒸口罩 網民嘲「死雞撐飯蓋」

on.cc 東網
Ann拎住份報告話經蒸氣消毒嘅口罩,過濾功能同結構都唔會減低太多。
Ann拎住份報告話經蒸氣消毒嘅口罩,過濾功能同結構都唔會減低太多。

新冠肺炎疫情令口罩價格高企不下,市民怨聲載道。議員蔣麗芸(Ann)早前喺網絡社交平台發布短片,話既然口罩供應短缺,用高溫蒸氣消毒口罩後重用都不失為一種方法,唔少網民質疑是否可行。Ann似乎就「唔服輸」,今日(1日)再度上載短片,繼續向網民解釋蒸口罩嘅事宜喎。

Ann喺短片中聲稱,將口罩喺攝氏100度高溫之下進行10分鐘嘅高溫蒸氣消毒,係唔會影響口罩結構,仲話內地、台灣同香港嘅專家都認為係可行嘅。佢仲拎住份報告,話經過蒸氣消毒嘅口罩,過濾功能同口罩結構都唔會減低太多。

咁網民又點睇呢?有網民就提議將自己用過嘅口罩寄畀Ann,蒸完再重用,亦都有網民質疑點樣風乾個口罩,同埋可以蒸幾多次。同時都不有唔少網民嘲笑Ann「死雞撐飯蓋」,仲有人提議話:「落啲果皮會唔會香啲?」睇怕Ann都要自己示範吓重用蒸過嘅口罩,先可以增強說服力啦!

你可能還想看