政Whats噏﹕議員嫌Zoom虛擬背景「遊太空」 要秘書處補鑊

·1 分鐘文章
議員黃定光使用Zoom開會,選擇以美國金門大橋為背景,會否擔心被指政治不正確?
議員黃定光使用Zoom開會,選擇以美國金門大橋為背景,會否擔心被指政治不正確?

立法會早前試用遙距會議軟件Zoom舉行非正式會議,其中議事規則委員會亦通過喺事務委員會同法案委員會使用Zoom開會。不過近日傳出「內情」,原來唔少議員唔多滿意Zoom提供嘅虛擬背景,嫌身處美國「政治不正確」,又嫌身處太空「堅離地」,要請秘書處出手補鑊咁話。

部分議員想避免畀大家睇到自己實際身處嘅環境,之但係Zoom提供嘅兩款虛擬背景,若非美國金門大橋,就係浩瀚嘅星空,兩者都令人揀唔落手。議員陳振英話,使用前者就猶如身處美國參與立法會會議,感覺未免太奇怪;而後者飛咗去外太空開會,會畀人笑係「唔貼地」。議員陳克勤都有同感,話若然用美國金門大橋做背景,似乎係「政治不正確」;若然用星空做背景,就係「堅離地」,希望盡快有更多適合嘅選擇啊。

據議員所講,向秘書處提出意見時,對方二話不說,即刻應承會為議員製作唔同款式嘅虛擬背景,用立法會各個角落做設計,務求令議員時刻置身議會喎。