政Whats噏:麥美娟向議員派喜餅 賀自己嫁得出?

麥美娟(左一)同班舊同事一齊食「喜餅」。
麥美娟(左一)同班舊同事一齊食「喜餅」。

「剩女」都嫁得出?仲同班議員一齊食喜餅添!講緊邊個?咪係話麥美娟(Alice)終於嫁得出囉!吓!咁新郎係邊個?

Alice轉咗跑道,唔做議員而入咗「熱廚房」昨日(6日)首次以民政及青年事務局局長身份出席立法會大會,由以前質詢官員,掉返轉頭畀班議員質詢,雖然唔知佢有乜嘢感受,但會後Alice就同一班舊同事,如葛珮帆(EQ)、陸頌雄、張宇人、易志明等人一齊食「喜餅」,恭喜佢終於嫁得出,係話佢嫁咗畀政府呀!

之不過,議員郭偉强就話Alice係嚟派「散水餅」,仲係來得好及時添。不過無論點都好,EQ話雖然角色唔同,但情誼依舊,服務香港之心同樣熾熱,又祝願佢帶領嘅團隊同議員建立更好嘅合作關係,一齊為市民嘅福祉做得更多、更好。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能