政Whats噏:黎棟國動議講「中港」 馬逢國話字眼唔恰當提修訂

·1 分鐘文章
黎棟國提出議員議案涉及「中港」二字。(黃仲民攝)
黎棟國提出議員議案涉及「中港」二字。(黃仲民攝)

話說議員黎棟國周三(19日)喺立法會大會提出議員議案,關注到變種病毒株Omicorn肆虐全球,以致中港兩地免隔離通關無期。但議員馬逢國隨後提出修正案,佢所修正嘅唔係黎提出嘅議案嘅內容,而係話「中港」兩字唔恰當,應該講「內地與香港」先至啱喎!

到底「中港」同「內地與香港」兩組字眼,有咩分別呢?馬逢國並無明確解釋,只係引用孔子嘅說話,指「名不正言不順,言不順則事不成」,強調要做好一件事,採用恰當合理嘅名稱,做到名實相副,至關重要。

另一位議員林琳亦都認同馬逢國嘅見解,認為「科普」字眼,要捉緊、慎用詞彙,指議員黎棟國嘅措詞中唔應該使用「中港」嚟形容香港與內地關係,而係應該用「內地與香港」。佢又話國際溝通講求用字嚴謹,尤其牽涉到議員,更需要小心謹慎。議員陳勇亦都話一國兩制下要規範用語,盡量小心出現「蝦碌」,以免好事變壞事,呼籲所有工作人員須嚴謹用字。

馬逢國話應該係「內地與香港」。
馬逢國話應該係「內地與香港」。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能