政Whats噏:方國珊患腦血管瘤 嘆愛要及時

on.cc 東網

【on.cc東網專訊】社會上多咗人注重健康,但往往有啲疾病好難預防。西貢區議員方國珊尋日(12日)就自爆腦內出現血管瘤,仲要係2年多前已經發現,因為佢爸爸係中風患者,所以佢就估計係同遺傳有關。雖然患病,不過方國珊就處之泰然,佢仲話,依家自己仲十分精神,仍然能夠全心投入服務市民,所以都想趁自己有能力時盡量幫人,佢仲呼籲大家「說愛我,別太遲」咁話。


方國珊話,其實2年前立法會選舉時,佢已經發現有腦血管瘤喇,不過醫生當時並冇擔心佢病情會受影響,所以繼續參選。而佢依家仲要定期檢查,亦有做針灸,平日亦會做多啲運動,飲食就要多菜少肉。睇嚟佢都有錫住自己身體。方國珊又強調自己現時十分精神,能夠全心投入服務市民。早前一直有指佢有意參加3月立法會補選,唔通佢想暗示自己仍然可以勇往直前?

【更多即時新聞詳情請上東網新聞

其他內容