政Whats噏:盧偉國晒鑽石色士風 唔怕畀人偷

on.cc 東網

【on.cc東網專訊】色士風素來都係立法會工程界議員盧偉國嘅至愛,佢早前都講過自己屋企其實都收藏咗3、40支,不過身為色士風愛好者嘅佢又點會滿足,佢今日(14日)先喺自己Facebook貼咗一支新買嘅鑽石色士風(Diamond Saxophone)!盧偉國話呢支新色士風喺美國一間專門設計色士風嘅公司訂返嚟,上年12月先到手,隨即就喺一個業界嘅聚會上登場,仲話個個都對佢呢支新寵讚不絕口啊!


咁高調怕唔怕畀人偷啊?盧偉國笑住話雖然支色士風個名叫鑽石,實際上只係用水晶造,而且相信大家都會睇得出唔會真係用鑽石造,所以其實支色士風並唔貴,大部分都係手工錢,所以都唔擔心畀人偷,連特別嘅收藏方法都唔使。盧偉國仲話,雖然只係水晶,但支色士風嘅音色都好靚,加上造型特別,唔怪得佢都忍唔住要貼上Facebook,實行「放閃」啦!

【更多即時新聞詳情請上東網新聞

你可能還想看