雅虎香港新聞 效力TVB四十載 Do姐證實約滿離巢：會繼續工作接受一切可能性
今年 65 歲的 TVB 金牌台柱鄭裕玲（Do姐），突傳出約滿離巢，不少網民表示支持，亦有人估她是否打算退休，或過檔其他電視台等。面對外界揣測，她今日下午就在主持的商台節目《口水多過浪花》親自解畫，強調是深思後的決定，與舊東家關係良好，但想探索更多可能性，「我會繼續做嘢，唔排除一切合作嘅可能性，乜嘢都可以傾！」
Do 姐在《口水多過浪花》節目甫開始即主動回應，「為免大家有誤傳，不如自己講一次。」她指，在同一間機構服務了 44 年，當然有不捨得，「佢對我係好好」，到最後一次交代時雙方亦很愉快，亦表明將來有合適節目她都樂意合作。
只不過 DO 姐話，經歷了三年疫情，心態上有轉變，有感人生無常，加上合約在身時「一旦有得去旅行，都唔可以上玩幾耐就幾耐」，加上身邊有人離世等原因，都令她想作出一些新嘗試，「唔知自由身嘅感覺係點㗎呢，咁啱合約滿啦，咁就不如試吓。」遂決定不續約，形容雖然有掙扎，但都算係個好 timimg，「如果自己有啲嘢想做，但係礙於合約，唔可以去做，就覺得有啲可惜。」
Do 姐亦強調，會繼續工作，電台節目亦會照做，但都想試新嘢，「無論同邊間機構，做啲乜又好，所有都會考慮。因為想試吓新嘢，出面有啲咩 possibility。」她更講笑話要賣「廣告」，「有啲咩搵我可以搵 IG，乜嘢都可以傾。」
之前Do姐訪問過ViuTV的MIRROR同ERROR，都有人估佢會否過檔，《口水多過浪花》拍檔余迪偉都問，「咁會唔會喺叱咤見到你？」Do 姐再強調，「所有可能性都係可以去諗嘅，可以去研究。」
至於會否退休，她則未有正面回應，「係退休都唔使同人講啦，講咗反而唔好。」她感慨，天下無不散之筵席，「件事好簡單，合約滿咗唔再續，總有一日會停，宜家呢個時間冇再續約，係舒服係啱嘅。」更點播一曲〈Thanks for the memory 〉。
