整容40次 26歲日本軟飯王每月袋36萬

 

26歲,一個月搵6位數字已經唔易,除非你係倫敦金……融才俊啦。   日本有個後生仔,搵到呢條數,唔係靠做生意,方法係食軟飯!   日本電視節目OUT×DELUXE,最近就訪問咗一位靠「金主」俾零用錢過活嘅青年。佢叫艾倫,睇落有d怪係咪?因為佢19歲開始整容,7年間整咗40次,一共洗咗9000萬yen(約650萬港元)。呢筆錢,係金主俾嘅。

除此之外,艾倫會收到500萬yen(約36萬港元)零用錢。淨袋嘅,因為去旅行、買嘢、食飯,都有金主或者朋友照住。咁到底要做咩先搵到咁多?艾倫強調自己未試過要同金主發生肉體關係,只係陪人行街食飯咋喎。   正所謂「冤枉嚟瘟疫去」,艾倫雖然自稱唔會洗錢喺人地身上,但係又成日出國賭錢,每次仲玩成千萬yen上落。   雖然艾倫好自豪自己比其他「同行」有多幾個金主,但係成日都充滿不安全感,同打工仔一樣驚失業,所以買咗靚衫都唔剪牌,有起事嚟就賣二手衫撐住。不過,佢話仲未想搵工喎。   咁梗係啦!如果打工又係靠把口,食軟飯又係靠把口,咁點解唔食多幾年先?去片