文根英現身MMA2024腫脹身形惹關注 網民：放過佢喇

南韓童星出身嘅女星文根英，曾於經典韓劇《藍色生死戀》飾演宋慧喬年輕版而爆紅，獲封國民妹妹。但佢喺2017年手臂突然劇烈疼痛入院，檢查後被診斷患上「急性腔室症候群」，歷經四次手術險截肢。早前佢現身Netflix新劇《地獄公使2》發布會，腫脹身形隨即引起網民關注，紛紛留言表示擔心佢嘅健康狀況。不過佢之後就表示健康非常健康，只係為食發福，現時正在努力減肥中。

日前佢現身韓國音樂頒獎禮《Melon Music Awards 2024》（MMA2024）擔任頒獎嘉賓，著上白色恤衫配上黑色西裝外套嘅佢，身形再次引起關注，唔少網民紛紛留言大讚佢依然靚女又可愛，例如「很漂亮啊」、「哈哈哈 誠實的女藝人真的好可愛！希望她健康的減重！」、「胖了還那麼漂亮 真美～身體健康最重要呢～」、「佢之前身體有病，差啲要截肢，放過佢喇」、「才不是......她之前生病！......死裡逃生耶....」、「健康就好 覺得氣色看起來不錯啊」、「仲係咁靚女」、「皮膚超好」、「好可愛」及「還是很可愛 身體健康最重要」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！