新世界首置計劃 80個中1個 買家:好似發緊夢

on.cc 東網

「Unbelievable(難以置信)啦,唔相信我抽到,又唔相信我遞交啲資料係work(通過)…」30歲出頭的湯先生跟太太首次買樓,難掩興奮之情:「依家去到一個咩stage(階段)?可以諗吓生第二個喇!」

剛做業主的湯先生接受訪問期間,開懷大笑得合不攏嘴。(設計圖片)
剛做業主的湯先生接受訪問期間,開懷大笑得合不攏嘴。(設計圖片)

新世界發展(00017)執行副主席兼總經理鄭志剛去年提出「新世代首次置業計劃」,並以旗下屯門THE PARKVILLE作為試點,預留15伙讓從未曾置業的港人申請者認購。該批單位周日發售半小時即沽清,買家不乏公屋住戶和年輕夫婦。

跟妻子結婚2年、一直租屋住的湯先生,育有7個月大的女兒,一直有置業打算。有見新世界推出首置計劃,提供印花稅優惠及可以低首期上車,遂入票試試,豈料一擊即中,「好似發緊夢呀仲係…老婆咪話:『老公你好叻呀!』」

他購入該盤一個三房單位自住,首期逾50萬港元。雖然是人生首次置業,但他顯然未有受供樓壓力影響,「可以諗吓生第二個喇,哈哈!」

斥逾60萬港元作首期購入三房戶的傅先生,亦對首次做業主感到非常興奮:「其實我心入面好激動,但因為我外父外母喺度,老婆又喺度,我驚影響佢哋」。

傅先生有儲蓄習慣,今次窺準首置計劃成功上車。(黃劍能攝)
傅先生有儲蓄習慣,今次窺準首置計劃成功上車。(黃劍能攝)

他笑言自己「冇父幹」,全靠近三年積極儲蓄,加上是次計劃降低了首期門檻,才能成功入市,「靠自己上車呢樣嘢,我相信唔係得我啦,每一個男人都有呢樣嘢,喺個心入面想做!」

他又說,今批首置盤反應熱烈,證明市場上有不少年輕人在現時樓價下仍能負擔每月供款,只是「等緊一個機會,希望有政府或發展商幫到我地畀首期」。

新世界是次為業主提供最高達樓價92.5%的高成數按揭,首期金額低至約44萬元,還款期長達40年,可獲最多樓價3.75%代繳印花稅及漸進式供款優惠,吸引不少青年入飛一博。集團稱,會檢討計劃反應,再研究下一階段安排。

新業主表現喜悅,社會上卻仍有大批年輕人打定輸數,認為要安居樂業只能選擇移民!《港呢啲》邀請了多位小孩與年輕情侶繪畫心目中的「夢想家園」,見證港人置業夢如何隨着年歲漸增而消逝。要上車,莫非只能等待未來更多的首置計劃?一人一個置業夢,點擊影片觀看更多!

—————
《港呢啲》:大事小事騎呢事,東網嚴謹選題,輕鬆製作!

其他內容