新何太以淚洗面斥老公被其子女遺棄 何伯:我老婆對我咁好,我笑住離開世界

曾上TVB節目《東張西望》分享家事而備受關注的何伯和新何太,不時開直播大談個人感受,近日一段直播影片中,新何太淚流滿面又常以紙巾抹掉眼淚,而身旁的何生則不斷向新何太示愛,繼續公開發放閃光彈!

不斷用紙巾抹眼淚
不斷用紙巾抹眼淚
何伯和新何太齊齊開Live
何伯和新何太齊齊開Live
何伯不斷向新何太示愛
何伯不斷向新何太示愛
新何太於鏡頭前不斷落淚
新何太於鏡頭前不斷落淚

影片中,何伯說:「老婆,四個月喇同你,四個月喇知唔知啊?百日有多喇!如果我老婆冇嘅,我又冇錢,做咩唔同我分手啊?唔會同我分手㗎!好人唔係咁易搵㗎!我就夠眼光,搵返我呢個老婆,對我咁好。唔好喊,老婆,我哋做嘅嘢有天地知㗎,咁就得㗎喇,行得正企得正。最衰嗰啲壞人亂咁講嘢,生安白造,講啲嘢出嚟,有啲以為真嘅,根本都全部假話嚟嘅,嗰啲食屎屙飯嘅,個腦載屎嘅,就講得出呢啲說話。話個腦載水就益咗佢,個腦載屎㗎,嗰啲壞人。」

何伯感謝新何太照顧
何伯感謝新何太照顧
新何太以淚洗面
新何太以淚洗面

新何太一邊落淚一邊道:「後尾呢,食咗佢老豆,啲仔女食咗好多好多次,都冇睬佢......好大件事㗎喇!」何伯表示:「𠵱家都冇一個聯絡我㗎......」新何太指:「遺棄咗佢哋呢個老豆!」何伯怒謂:「當我死咗㗎喇佢哋。」新何太補充:「冇咗佢唔得㗎。一定要照顧返佢㗎。」

新何太斥何伯子女遺棄爸爸
新何太斥何伯子女遺棄爸爸

何伯感謝新何太:「好多謝老婆你啊!冇你照顧我真係今日見我唔到㗎喇。我𠵱家個心好甜,我老婆對我好好嘅,我點都唔會分開㗎喇。我行到最後一步,我老婆對我咁好,我笑住走㗎,離開世界,到時我真係笑笑口走。我唔會畀老婆咩㗎,真係鍾意佢。」眼見新何太不斷抹眼淚,何伯忍不住說:「唔好捽咁勁,捽得勁眼痛㗎。」新何太解釋:「我喊係因為啲仔女咁樣對阿何生,我喊並唔係因為我做咗虧心事......」

何伯大讚新何太待他好
何伯大讚新何太待他好