新劇《青春本我》下月開拍 《聲夢傳奇》15位學員總動員出演

TVB歌唱選秀節目《聲夢傳奇》成功捧紅炎明熹（Gigi）、姚焯菲（Chantel）及鍾柔美（Yumi）等人，15位學員喺噚晚（12日）開始與​​旺角麥花臣場館舉行一連四場《聲·夢飛行FIRST LIVE ON STAGE》音樂會。除此之外，早前曾志偉已經表示會安排15位學員拍劇，有指劇集將於下月開始拍攝，而近日喺網上就流傳劇集嘅角色分配名單及故事大綱。

15位《聲夢》學員（炎明熹、姚焯菲、鍾柔美、文凱婷、冼靖峰、何晉樂、詹天文、黃奕斌、孫漢霖、潘靜文、林沚羿、張馳豪、林智樂、蔡愷穎及林君蓮）將會參演一套暫名為《青春本我》嘅校園青春歌舞劇，故事內容主要圍繞校園嘅青葱歲月，講述係一個女輔導心理學家進入中學校園後，點樣面對學生們各種青春嘅煩惱，例如學業、家庭及前途問題，佢亦會協助學生勇敢面對及處理問題。有報道劇集係為學員度身訂做，炎明熹將會喺女主角飾演「火星人」；姚焯菲飾演「校花」；而鍾柔美就飾演跳舞學會會長。

而有指《盛.舞者》參賽者袁鎮業（Kelvin）、關嘉敏（卡文）、林子超（Andy）、李紹堅及李俊華（孖8）都喺演出名單上，睇嚟到時又可以睇到佢哋精彩嘅舞技。 除咗《聲夢》學員及《盛.舞者》參賽者之外，有指劇集亦會搵王灝兒（JW）、王祖藍、陸永及C君等人參演。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！