新垣結衣星野源宣布結婚 歌迷因失落向公司請假獲批

·1 分鐘文章
《逃避雖可恥但有用》劇照
《逃避雖可恥但有用》劇照

現年32歲嘅日本「國民老婆」新垣結衣,與現年40歲嘅歌手星野源喺噚日突然向傳媒宣布婚訊, 二人喺合作劇集《逃跑雖可恥但有用》時傳出假戲真做。雖然星野源所屬事務所話佢哋係拍攝完今年1月播出嘅新春特別篇先開始拍拖,而家都未定婚禮事宜。但佢哋結婚消息一出已經轟動日本演藝圈,更震撼成個亞洲。同時,新垣結衣宣布會離開效力20年嘅事務所,以個人身份繼續參與演藝工作。

有唔少粉絲知道婚訊後大受打擊,大批男粉絲崩潰留言「老婆跑了」,更有日本網民表示要攞假及早退。大阪部份公司有「迷失休假」制度,有星野源女歌迷因私事感到失落已向公司請假,佢請假一事立即登上Twitter熱搜。

日本女神級藝人都相繼結婚,先有堀北真希、北川景子及石原聰美等等,而家連結衣BB都宣佈封盤,女神所剩無幾啦。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能