新宿歌舞伎町如鬼城 老鼠出沒咬斷電線

Yahoo 旅遊

因為新冠肺炎疫症,東京仍有緊急狀態令,受影響嘅地區之一,當然要數到新宿歌舞伎町!因為娛樂場所都未能開門營業,平日晚晚熱鬧如白晝嘅歌舞伎町變得如死城一樣。更甚嘅係,因為太少人,老鼠已經唔怕畀人見到,就算日光日白一樣照舊四處出沒於街上,非常恐怖。如此大膽除咗因為人少之外,仲因為場所唔營業導致垃圾減少,變相老鼠食物都少咗,所以老鼠四圍搵食,離譜到咬斷唔少店舖嘅電線。當地商店協會會長就話好多店舖都因為電線斷裂導致招牌無法運作,仲話要趕係可以開門前,盡快維修先可以正常運作。另一方面,如果要重新營業,政府必定會審視當地衛生情況,以目前老鼠橫行嘅狀態,幾乎無可能政府會容許商店開門做生意,隨時成為疫情再爆發導火線呢!

平日熱鬧無比嘅歌舞伎町,變得如死城一樣。
平日熱鬧無比嘅歌舞伎町,變得如死城一樣。
老鼠食物都少咗,所以老鼠四圍搵食。
老鼠食物都少咗,所以老鼠四圍搵食。
衛生情況極差,要重新營業需要清潔一番。
衛生情況極差,要重新營業需要清潔一番。

相關文章:

澳洲山火後降雨充足樹木極速生長-樹熊回歸自然

奈良鹿減少食仙貝-腸胃變好便便回復健康黑豆狀

阿中部長訪台北101觀景台-登上最高skyline460天際線


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看