【新手必睇】越野跑教練Wyan Chow話你知 行山裝備及服飾+新手路線推介

Yahoo 旅遊
【新手必睇】越野跑教練Wyan Chow話你知 行山裝備及服飾+新手路線推介
【新手必睇】越野跑教練Wyan Chow話你知 行山裝備及服飾+新手路線推介

新型肺炎疫情下,令香港亦出現行山潮,連平日不甚行山的港人都選擇行山呼吸新鮮空氣。但事實上,有幾多位行山初哥於出發前乖乖地做好資料搜集? 即使有做資料搜集,資料又是否齊全? 今次搵嚟擁有多年越野跑經驗的運動員兼教練– 周佩欣(Wyan Chow)講講基本行山裝備、服飾以及路線推介,行山初哥唔知點入手的話,不妨參考下。

擁有多年越野跑經驗的運動員兼教練– 周佩欣(Wyan Chow)
擁有多年越野跑經驗的運動員兼教練– 周佩欣(Wyan Chow)
Wyan是亞洲其中一位最快的女性越野跑運動員。
Wyan是亞洲其中一位最快的女性越野跑運動員。

食朱古力是誤解?

人人都知行山需要攜帶足夠食物及水分,究竟帶幾多為之足夠? Wyan表示:  「水量很視乎個人體質、當時氣溫及沿途有無遮陰,以4-5月行石屎行山路徑為例,行2-3小時最少都要帶一支720ml水及一支500ml嘅運動飲品,以補充流失嘅水份及澱解質。」至於食物,一向著重健康飲食的Wyan說:  「好多人誤解行山要食朱古力補充體力,但這是外國長途行山必備嘅後備食物,係迷路、過夜或長時間行山先用嚟補充體力! 事實上香港嘅山路相對較易行,易達度又高,不需要朱古力這類高脂食物,取而代之係水果乾、麥條、水果、鹽糖,易攜、健康又可以補充糖分及水份。」

Wyan建議進食水果乾、麥條、水果、鹽糖等補充糖分及水份。( _essential_lifestyle_ @IG)
Wyan建議進食水果乾、麥條、水果、鹽糖等補充糖分及水份。( _essential_lifestyle_ @IG)

行山杖隨時變負累

Wyan被譽為亞洲其中一位最快的女性越野跑運動員,每次比賽都必定會帶備一件薄風褸、防曬霜及行山杖,對於悠閒的行山活動,她表示: 「必戴薄風褸、防曬霜、太陽眼鏡、太陽帽,前者可應付山上突如奇來的天氣,其他防曬用品可減低紫外線對身體的傷害,即使晴天或陰天都一樣需要;至於行山杖則可幫助上落樓梯,但因為大多新手路線難度不高,考驗行山者的體能多於技術,手腳不協調者使用行山杖的話更顯阻手阻腳,大家可自行考慮帶唔帶。」

衣著沒太多規矩

相比起裝備,Wyan坦言衣著上相對沒太多規矩,「那怕係近年的Bar Top加Legging都無問題,最緊要自己著得舒服! 唯一要留意係鞋,初學者行石屎行山徑,勉強可以穿著普通出街鞋,但如果行沙泥地或有樹根的路徑,就要穿上防滑能力強的行山鞋或越野跑鞋。」

衣著上相對沒太多規矩,最緊要著得舒服。 (warmupgirls_shop @ig)
衣著上相對沒太多規矩,最緊要著得舒服。 (warmupgirls_shop @ig)

行山計劃豈止起點與終點

Wyan強調新手行山緊要做功課,好多人單純地以為只要查好起點同終點就足夠,但Wyan話:  「所謂的Well Planning,除咗查好起點同終點之外,還要了解中間的撤退路線、急救方法、路線的攀升高度、路況,以至估計的行走時間等等,切忌去到先問途人!」當然每個人、每組人的行走時間均有不同,Wyan建議大家可以參考智能手錶,從最簡單的路線開始檢視一下個人能力。

透過智能手錶可檢視到個人行走時間(suunto@facebook)
透過智能手錶可檢視到個人行走時間(suunto@facebook)

大帽山道幫襯蓮姐新舖

講到路線,Wyan建議新手可試行城門水塘入手,設石屎行山徑,環繞一圈約 8.5 公里,適合一家大細。至於半新手可以試行甲龍古道或甲龍林徑,「前者長4公里,坡度頗為陡峭,石路居多;後者則長5公里,路勢較平坦,樹蔭較多,較易。兩者均從雷公田出發,終點係大帽山道!  」

甲龍古道景色
甲龍古道景色

順路到大帽山蓮姐新舖

上到大帽山不妨探下大帽山蓮姐,由4月1日起大帽山蓮姐已搬到位於大帽山郊野公園遊客中心的新舖,即是毅行者的8號檢查站。「由原本嘅茶水亭行上去,只有200米,新舖地方較闊落,店前空地放有枱櫈,環境較寧靜舍意。大家補給一下,可繼續從麥里浩徑八段或沿大帽山道行上大帽山山頂,當然如果已經行夠本的話亦可行去巴士站坐車落山! 」總之行山一定要量力而為,不要勉強亦不要忽視安全細節。

城門水塘 (Tmt.happy @ig)
城門水塘 (Tmt.happy @ig)
大帽山山頂
大帽山山頂
大帽山蓮姐
大帽山蓮姐
發哥都係大帽山蓮姐的常客。
發哥都係大帽山蓮姐的常客。
大帽山蓮姐新舖地圖。
大帽山蓮姐新舖地圖。


更多行山推薦:
【市區行山】屯門後山 彩虹欄杆直上水塘睇靚景

【市區行山】樂富後山半個鐘登頂 曾為舊機場導航重要區域

【行山推介】灣仔一日遊 嘆台式料理+細看隱藏三大美景

【市區行山】藍田出發 3小時遊五桂山 賞軍事遺跡

感受香港風情 坐擁南海美景的蒲台島一日遊

【文青最愛】深水埗都有山行?嘉頓山食個Tea再睇日落!

【文青一日遊】西貢淨化心靈 文青café+橋咀洲行山遠離人群

【行山抗疫】大嶼山挑戰中級路線 三連攻觀音山、羌山、靈會山

【行山初哥】1.5小時合家歡路線 鷹巢山頂俯瞰九龍景色

【市區行山】青衣後山半日遊 享受青馬大橋日落美景

行山初哥必去千島湖 元朗大棠出發 來回程不用3小時



【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看