新歌MV 3日45萬觀賞 姚焯菲唱歌老師原來出身亞視

·2 分鐘文章
新歌MV 3日45萬觀賞 姚焯菲唱歌老師原來出身亞視
新歌MV 3日45萬觀賞 姚焯菲唱歌老師原來出身亞視

今年TVB節目《聲夢傳奇》獲觀眾注目,參賽學員嘅畢業演唱會三場爆滿,人氣總算不輸隔離台Viu捧起嘅MIRROR。冠軍炎明熹早前已經推出首支個人單曲《真話的清高》力爭今年新人獎,而比賽亞軍姚焯菲(Chantel)嘅新歌《原來談戀愛是這麼一回事》亦都喺上星期五派台。《原》MV喺Youtube發布3日,已經有45萬次收看,對比《真話的清高》MV上架個幾月有127萬收睇,成績相當唔錯。

Chantel喺比賽期間進步神速,原來背後有軍師幫手,呢位功臣仲要係亞視出身!

新歌MV 3日45萬觀賞 姚焯菲唱歌老師原來出身亞視
新歌MV 3日45萬觀賞 姚焯菲唱歌老師原來出身亞視

Chantel嘅歌唱老師李昊嘉(Sharon)2009年參加《亞洲星光大道》,同屆仲有羅力威、陳蕾、譚杏藍(小花)、安俊豪(參賽時用原名李志豪)、戴鎧霖(參賽時用原名戴畹旂)等。李昊嘉比賽時仲就讀緊教育學院,被封為「靚聲女王」,決賽以第7名畢業。李昊嘉嘅歌唱老師Christine Samson,教過嘅學生有容祖兒、楊千嬅、G.E.M及張敬軒等歌手,相當厲害。

後來Sharon成為歌唱老師,《星光》同屆嘅陳蕾、譚杏藍(小花)以至ToNick主音趙善恆、小塵埃主音Pollie都係跟佢學唱歌。陳蕾最近開演唱會都係搵Sharon做和音。而Sharon亦係Accapella團體VSing成員,幕前幕後都有豐富經驗。

李昊嘉受訪時提到,姚焯菲嘅爸爸主動聯絡佢,希望幫手指導Chantel。而Sharon記得上第一堂之後,發覺Chantel音域唔算闊,而且要喺技巧上花工夫,但係好有潛力,例如咬字冇懶音、吸收能力強等。Sharon又盛讚Chantel夠勤力,先能夠進步神速,而家佢亦會對演繹上有自己睇法。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能