新竹新旅館 多種房型夠奇怪 冰屋、地獄都有

好多人覺得住台灣酒店通常都係走文青路線;不過近日全台灣話題之一就係新竹呢一間酒店「琺何精品旅館」。9月23日正式開業,位於市內黃金地段新竹火車站及城隍廟旁邊。

旅館分為兩種客房,一種係商務房共有14間;另一種為精品房共有28間。焦點就係精品房,28間房各有不同主題,其中7間為KTV包廂類型,可以唱K唱到瞓覺休息,最啱各位歌王歌后。另外有空中花園房、麻將房、烤肉房、甚至有室內泳池嘅房!

有兩間非常特別嘅房間類型就係北極冰屋及土耳其地獄房,前者佈置成冰屋令人尤如置身極地,後者則帶點驚慄,用上大量骷髏頭及血紅色設計。新竹未必係大家常去嘅台灣城市,不過他日有機會去的話,記住放呢間旅館入你嘅List喇!

訂房及詳情:按這裡

以冰屋作為主題,天花板都換上冰極圖案。 (圖:琺何精品旅館)
以冰屋作為主題,天花板都換上冰極圖案。 (圖:琺何精品旅館)
另一間焦點為土耳其地獄房,用上血紅色設計。 (圖:琺何精品旅館)
另一間焦點為土耳其地獄房,用上血紅色設計。 (圖:琺何精品旅館)
其他房型都十分獨特,例如溫泉主題房等。 (圖:琺何精品旅館)
其他房型都十分獨特,例如溫泉主題房等。 (圖:琺何精品旅館)

相關文章:

高達來了一比一高達-12-月登陸橫濱高達樂園

秋天限定鹿頸至谷埔悠閒路線-金黃蘆葦田白色小燈柱-紅樹林

周末一日遊元朗綠色之旅-diy迷你盆景農場考察隱世素食店