新郎利是答謝媒人 張秀文教堂行禮 Bob地位超然

·2 分鐘文章
新郎輕吻新娘子張秀文,好Sweet!
新郎輕吻新娘子張秀文,好Sweet!

藝人張秀文與金融才俊Billy於教堂完婚,「金牌媒人」林盛斌到場祝賀,笑言於婚禮現場被親朋追問有沒有「筍盤」介紹之餘,更被新郎哥「塞」利是。

34D無綫咪神張秀文上月宣布封盤,與拍拖1年多、「皮草太子爺」王大業的堂弟王大權(Billy)共諧連理,而昨日正是一對新人的大喜日子,他們於教堂舉行婚禮,而「媒人」林盛斌(Bob)亦有到場祝賀,事後將與一對新人的合照放上社交平台,他留言:「又搞掂一單!恭喜恭喜!」

事後Bob受訪時坦言見到好友有情人終成眷屬很開心,他謂:「要好多謝佢哋特別安排,完咗簽字儀式之後,佢哋喺教堂入面同屋企人合照,影完兩張最重要嘅男家、女家後,主持人開咪叫我上去單獨同佢哋影相,突然之間覺得自己地位好崇高,哈哈!成個過程都好感動,特別係佢哋講誓言嘅時候,我都眼濕濕!最好笑嘅係佢哋嘅爸爸媽媽同親戚不斷咁同我講多謝,有兩個親戚仲問我有冇筍盤介紹畀佢個女!」

祝新人早日添丁

Bob的開心與「驚」喜似乎比一對新人還要多,笑言被新郎嚇一嚇,他說:「佢無啦啦塞咗封利是畀我,我話唔使搞呢啲嘢,推推拉拉咗一輪,佢話一定要收,啲賓客又喺度望住,搞到好鬼尷尬,哈哈!總之衷心祝福佢哋幸福快樂,快快趣趣生幾個小朋友啦!」

一對新人在親友見證下舉行婚禮,Bob化身攝影師。
一對新人在親友見證下舉行婚禮,Bob化身攝影師。
張秀文與王大權拉埋天窗,Bob功成有媒人利是收。
張秀文與王大權拉埋天窗,Bob功成有媒人利是收。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能