新game以「中國式家長」做主題 要贏就係靠死讀書?

19+

 

打機,無非想逃離現實一陣,估唔到有人出隻game,

係將現實問題變成遊戲主題。

 

呢隻叫《中國式家長》嘅育成遊戲,係由內地獨立電玩製作單位出品,

唔似平時嗰啲乜乜online咁要拎寶物打仗,

而係做返你都經歷過(或者經歷緊)嘅人生階段。

遊戲係要玩家體驗由出生到高考嘅階段,

以唔同小遊戲為智力、體魄、記憶力等等各種屬性加分,

唔同範疇嘅分數會決定他日玩家成年時會有咩出路。

青春時期有限,父母會有好多要求,你會揀興趣定係讀書?

呢個game被網友評為非常真實,除咗因為唔少玩家都有類似情節,

好似讀書迎合父母、各項能力高但成績差結果出路少、過節時親戚間嘅「客氣」情節等等,

除此之外,最真實嘅莫過於……

 

玩家角色係可以「升呢」成為父母,

本身嘅能力值會遺傳俾下一代。

而且玩過一次,

你就可以用自己嘅經驗,決定谷定唔谷自己個小朋友。

 

真係好現實呀~~~~~

 

打鋪機都仲要面對人生難題?冇咩事我都係出返去先。

想玩game入呢度

其他內容