iPhone 7正式推出，雖然好多人都話無乜驚喜，又嫌佢新加嘅功能唔夠煞食，好似換湯唔換藥。不過完全外國旅遊網站Campsites.co.uk嘅創辦人Martin Smith就出文力撐，話iPhone 7可以話係鍾意旅行人士嘅法寶，仲指出3大優點，一齊睇睇下：

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！

閃光燈亮度加倍

iPhone 7將閃光燈加至4盞，比舊機增光50%，可以喺全黑下嘅環境下都影到相。而新機提高象質之餘，亦變成兩個鏡頭，可以以廣角鏡拍攝，加上更好嘅Zoom in，可以保證旅程途中嘅美景都唔會被錯過。

電量大增2小時

大家都知iPhone基本上同尿袋分唔開，電池非常快就玩完，尤其去旅行，要勁影相、搵地圖，好食電，而且又唔係度度有電叉。iPhone 7就重點加強電池續航力，比舊機多2個鐘，備用時間更加去到14個鐘，唔使成日就住就住。

防塵防水

去旅行有時去到環境比較惡劣嘅地方，一部襟挨嘅電話好緊要，iPhone 7新設嘅防水防塵功能正好啱用，例如Home掣以前好易因為入沙而損壞，宜家就唔需要再擔心呢個問題喇。

雖然Smith讚不絕口，不過佢都有少少建議，例如可以加入太陽能叉電，咁就可以去度邊都邊用邊叉；另外就係目前指模辨認系統如果遇著手指有塵或者手濕就用唔到，建議可以加入眼球辨認；最後一個建議更大膽，就係喺殻度加入一小塊火石質地，可以用嚟喺戶外生火之用！

相關文章：

錢就得咁多 結婚vs旅行你點揀？5個方案幫到你

未來旅行五大趨勢 唔洗兌錢、機械人知你幾時肚餓

5個邪惡之城 一個人旅行可免則免