方力申推Job迎東奧 隨時變「雙失」

·2 分鐘文章
小方期望親身去東京直擊盛事。
小方期望親身去東京直擊盛事。

運動員出身的方力申對奧運有情意結,為此不惜推掉6位數的工作,候命出發主持今屆東京奧運。不過當地疫情險峻,能否成事亦是未知之數,小方隨時「兩頭唔到岸」!

「2020東京奧運會」被港府購下版權,交由5間電視台製作及轉播,無綫昨午率先舉行記者會交代詳情,姚子羚、朱智賢、鄧佩儀、方力申及吳業坤等半百藝人傾巢而出造勢,無綫主席許濤、高層曾志偉及樂易玲、體育委員會成員霍啟剛亦有現身,場面熱鬧。

有信心成事

當中小方於2004年雅典奧運曾代表無綫到當地採訪,期間與葉璇對話時「互寸」惹來誤會,他在台上重提事件:「17年前同葉璇成為經典,今年我期待再有另一個經典,不過係正面嘅。」他受訪時表示希望繼雅典後「再下一城」,並透露為了到東京參與奧運工作,不惜推掉6位數的搵錢機會:「本來6月要返內地隔離等拍『網大』(網絡大電影),依家唔去喇。(會擔心如果奧運取消,變相兩樣都冇晒?)冇辦法,人生就係咁樣,冇觀眾嘅奧運都好想參與,不過我有信心可以如期舉行。」

鄺潔楹報名做啦啦隊

至於鄺潔楹自爆收到通告時誤以為自己要赴東京主持奧運,又自薦主持劍擊項目:「因為之前拍劇跟過港隊學咗半年劍擊,如果可以喺現場為佢哋打氣,一定會好感動!(有機會搞明星運動會喎!)我會揀跳高、跳遠同擲鐵餅,大家應該好想睇,咁先有話題性!」而姚子羚與鄧佩儀首次做奧運主持,直言事前要惡補一番。

鄺潔楹(左)恨玩跳高,朱智賢就想挑戰泳賽,令人期待!
鄺潔楹(左)恨玩跳高,朱智賢就想挑戰泳賽,令人期待!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能