方力申 陳自瑤 發誓冇拍過拖

東方日報
·1 分鐘文章
方力申坦言當年與陳自瑤傳緋聞,嚇走不少廣告商。
方力申坦言當年與陳自瑤傳緋聞,嚇走不少廣告商。

方力申(小方)、馮盈盈及陳自瑤日前接受節目《Master's Talk師父有請》訪問,提到小方緋聞多多,早年陳自瑤與他合作拍MV亦捲入其中,2人即場發誓否認拍過拖,合作後幾乎冇見面!小方說:「當時緋聞傳得太犀利,後來傳到連工都冇得開,廣告商話太多新聞唔用我。」他承認經常與圈中女性交換聯絡方式:「但大家都知我有段戀情維持咗10年,坦白講,同其他異性單獨食飯少於5次。」

至於小方舊愛鄧麗欣(Stephy)昨日出席慈善活動,直言跟男友邱勝翊(王子)已3、4個月沒見面:「冇辦法,佢喺台灣拍緊戲。」提到日前她在社交網「預告」剪短頭髮,但王子留言「不要鬧喔」,她笑言:「一開始有傾過,佢想我長頭髮。(佢要挾你?)佢話『你試吓吖』,佢依家過唔到嚟,不過我暫時未有呢個衝動,嗰個只係造型假髮。」

鄧麗欣無意剪短頭髮。
鄧麗欣無意剪短頭髮。