日夜拍劇捱到殘 孔德賢急跌10kg 陳嘉慧得個恨字

孔德賢與陳嘉慧昨日為新劇拜神，兩位主角拍劇捱到殘，孔德賢瘦了一個碼，激減10kg；嘉慧則一臉倦容兼生粒粒。

孔德賢、陳嘉慧、謝東閔、黃嘉樂等昨日在將軍澳電視城為無綫新劇《本尊就位》拜神，日拍夜拍的一眾主角齊齊捱到殘，孔德賢瘦了一個碼，嘉慧則一臉倦容，面上出了不少粒粒，孔德賢說：「因為係民初劇，諗住瘦啲會好睇啲，加上開工休息同食都無定時，所以瘦咗10kg。前輩話個個都係咁捱番嚟，希望自己嘅努力，人哋都會睇到！」嘉慧笑言相當羨慕：「我都有瘦到，但冇佢咁明顯，個身瘦咗，但塊面仲係好腫，哈哈！」

問到可有被文縐縐的對白考起而NG？孔德賢笑說：「好彩我讀書時好鍾意背書，所以都順暢，但啲對白真係唔係人講。」嘉慧則自言中文不好，劇中要唸不少詩詞歌賦，要上網做功課了解意思。

謝東閔終做好人

至於屢演奸角的謝東閔今次終「改邪歸正」，他說：「終於唔使做Big Boss，好耐未試過唔係做奸角，但仲有兩套做奸角嘅劇《法證先鋒V》、《法言人》未出街。」他表示第一次做主角，付出120分努力，最開心是一路拍一路瘦，不用減肥，但坦言被對白考起，以致不時NG。