日本人氣明星秋田犬退休 不再擔任旅遊大使

Yahoo 旅遊

講起動物明星,大家應該會諗起貓店長忌廉哥,可惜嘅係於日前已經奔向彩虹橋,正式畢業。而於日本,同樣有唔少商店、景點都有動物明星做「店長」,其中一隻幾乎全日本人都識嘅就係秋田犬Wasao,曾經演出過唔少電影嘅佢,本來只係流浪狗,後來被青森縣鰺澤町一間雜貨店菊谷商店收養,成為店長,因為Wasao樣子笨拙,非常可愛,引來大量顧客爭相前來同店長打招呼,成為生招牌。Wasao唔單止演出過電影,仲因為太受歡迎,被當地觀光局邀請,成為當地JR五能線鰺澤站嘅站長,可見佢知名度之高。不過歲月不留「狗」,Wasao已經非常年老,近月起開始變得非常虛弱,甚至不能站立,商店就話Wasao會正式退休,唔會再出現於JR站,同時未必每日都會到商店「當值」,希望各位Fans都可以畀Wasao安心休養,暫時唔好前來探佢。當地觀光局就話雖然Wasao未能繼續擔任觀光推廣職務,不過都唔會解除Wasao觀光大使嘅職位呢。

Wasao樣子非常笨拙,十分可愛!
Wasao樣子非常笨拙,十分可愛!
Wasao為當地JR車站站長,擔任觀光大使一職。
Wasao為當地JR車站站長,擔任觀光大使一職。
歷年來幫助推動本地旅遊觀光,Wasao功不可沒。
歷年來幫助推動本地旅遊觀光,Wasao功不可沒。

 相關文章:

疫情下結業-日本百年旅館-太宰治曾入住

又一間-斐濟航空全體空服員被炒-其餘職員減薪20%

負責任旅人環保攻略-學懂日韓台垃圾分類


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!

你可能還想看