日本人票選拉麵最多餘配菜 第一名竟然係呢樣?

·1 分鐘文章
日本拉麵配菜多多,但就唔係樣樣都啱食。
(圖:Ramencity.jp@Twitter)
日本拉麵配菜多多,但就唔係樣樣都啱食。 (圖:Ramencity.jp@Twitter)

拉麵作為日本代表美食之一,同時香港人都十分鍾意,如果唔係都唔會開到成行成市啦。日本各地都有自己特式拉麵,有唔同嘅湯底及麵底,不過配菜大都相同,而近日於日本網上就有投票,要日本人選出「拉麵中最多餘配菜」,前三名由低至高分別係魚板、紅薑及第一位紫菜!

原來好多日本人覺得紫菜一浸湯就變淋,口感極差,更加會影響湯底味道,令整碗拉麵失色不少。不過當然結果公佈後有唔少紫菜Fans出言力撐,話只要一上枱先食紫菜就可以,甚至話專門要求多紫菜,可以話人人口味大不同。另外第四名亦意想不到,竟然由粟米粒奪得,唔少人話粟米粒就等同三色豆一樣古怪,相信最失望會係北海道嘅拉麵店,因為代表之一北海道味噌拉麵就出名多粟米粒呢,大家又點睇?

第一名就係紫菜,認為會影響味道,口感亦差。
(圖:Ramencity.jp@Twitter)
第一名就係紫菜,認為會影響味道,口感亦差。 (圖:Ramencity.jp@Twitter)
北海道味噌拉麵就出名多粟米粒,原來都好多人唔鍾意。
(圖:Ramencity.jp@Twitter)
北海道味噌拉麵就出名多粟米粒,原來都好多人唔鍾意。 (圖:Ramencity.jp@Twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

泰國新寺廟照抄吳哥窟-柬埔寨民眾群起反對

香港好去處-大角咀-泰國節-六星酒店住宿-套票-現金禮券

呃-like出事-網紅徒手爬耶蘇山被拘捕

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能