日本人都唔撐奧運 75%人唔贊成明年辦奧運
一場新冠肺炎,令原本今年夏天舉辦嘅東京奧運會要改期,首相安倍晉三於3月時先好不情願決定將奧運直接延期1年於2021年7月23日揭幕,不過原來日本民眾對此就好唔樂觀喇。《共同社》進行一個民意調查,當中只有4分1人贊成明年繼續舉行奧運會,另外有36%人認為下年應該未完全解決肺炎問題,估計要再度延期,又有33%人覺得不如直接取消東京奧運。有唔少民眾覺得辦奧運得不償失,12%人認為政府與其處理奧運事務不如專心抗疫,有6%人覺得奧運開支太大,應該將錢留畀目前正受財務問題困擾嘅日本公司。其實相關民調於上個月曾經進行過一次,當時贊成嘅人有一半,今個月跌到得4分1,好大程度因為東京目前有新一波疫症,連續多日每日確診人數超過200人,令民眾對奧運可以如期舉行嘅信心大跌。
相關文章: